開心布吉之旅-- DAY 1

(15/5) 我地4點就醒左, 訓唔返. 點解咁緊張架...哈哈. 不過徐老闆的家姐仲攪笑佢3點半就起左身添...
果朝我地典來典去都訓唔返, 最後終於都起左身, 我地仲想坐早一班車添. 早一班就係N29…竟然N29就一小時左右到. 咁坐5.05分上車咪6點到. 不過終於都MISS左果班車. 我地5點10分落到樓. 等到5點35分先上到車. 7點左右到達.

到機場後, 我們等齊人才可CHECK IN. 又有趣事. 因為小雪要帶水槍去布吉玩, 所以要CALL SECURITY (機場保安)來檢查. 點知, 竟然是一位中年女仕.

早餐: 上美X飲茶. (機場好貴, 普通點心都4-50蚊一籠, 難得去旅行都硬著頭皮吃下去) 不過好快就埋單, 因為我地30分鐘內要食完早餐及到登機閘口.) 都米話唔急....

一直到布吉都平安. 多謝港龍的機長先生的BOARDING 好稳定.

我們到達布吉, 第一時間租車. 因為自遊行無車, 就唔多方便...最後租左架七人車TOYOTA FORTUNER 非常SMART, 非常舒服. 旅情完結我地都唔捨得還車.
租左兩日(FULL DAY) 用左5350BHT...

到酒店放下行李就馬不停蹄出去搵食. 皆因飛機餐太少了, 3點幾又肚餓. 我地去左BHUKET TOWN的MK RESTAURANT 打邊爐...呢間食肆响泰國係連鎖店. 所以食物質量都有所保證. 埋單: 8百幾BHT. 約$30/人. 好抵食.
P.S. 我比較喜歡香港的打邊爐食物.

之後去行超市掃貨, 三PAIR團友(徐老闆, 我, 徐家姐, 姐夫, 表姐, 表姐夫, 仲有小雪) 都約好每晚參加杯麵派對...不過小雪多數SLEEPING...唔參加派對.

晚餐: 去左MR. GOOD'S RESTAURANT 食海鮮. 大虎蝦, 星鱸, 冬陰公, 椰汁雞湯...等等... 美中不足, 呢間餐廳的炒飯有少少中式的味道...唔多夠正中. 埋單: 2千2BHT. 約$550左右.

是夜我們太累了, 我和徐老闆都放棄參加杯麵派對. 另外兩PAIR人就如常舉行派對.) 哈哈...點解佢地年紀大過我地仲可以咁好精力....真係唔明白....