公民教育 ( 二 )

是次迫巴士的經歷, 令我回想起早幾年前都有類似情況, 當年想不到, 但今日見到有人將這些自私冇公德的行為"傳授"到下一代,我就明白得多了.

話說當年因要外勤工作關係, 經常要出入本港之高尚學府"香港大學", 當時所乘坐的路線為新巴23号,由蒲飛路去北角(我舊公司附近), 我當日有公事需要提早返公司, 大約3:00左右係HKU 正門對面巴士站等車, 可能撞正放學時間, 我在搭電梯途中見到好多"大學生"放學(趕住去威果隻) 一齊落去搭巴士.

在車站奇怪的事發生左, 我以為會好多人會搭23(此車途經3大蒲點, 金鐘>灣仔>銅鑼灣), 點知站頭無人排隊(其實係一個站有幾條路線,咁當然包括23), 只見好多同我一齊落樓的"大學生", 係站的周圍徘徊, 有d 用手機同朋友吹水, 有d 打NDS, 有d就玩下手機......... 總之無人係有意識表現到比我知佢地排梗隊.

10幾分鐘後, 巴士埋站(位置比今日部11x正確好多), 我梗係預備上車, 就係依個時侯, 我感到身後來自四方8 面之腳步聲傳來, 哦!原來全部係道hea梗"大學生"係搭23!有個仲想打我尖, 我出左聲話佢 "你讀大學, 冇人教你要排隊架!" 佢好似聽唔到, 原來佢仲帶住headphone, 死未.

上到車, 仲有下文, 佢地要去3大蒲點, 又快落車, 所以企左係下層仲要近門口, 我手拿工具都想坐下層,但最終比佢地阻住而放棄.依家諗起都仲有d 嬲!

公民教育( 一 )

今日搭11x返工, 但因天雨關係班次有點延誤,再加上在頗長的等候人龍,我已知今次實要迫巴士.
等了大概15分鐘,我遠眺這部11x已經迫滿乘坐,我心知不妙,當巴士埋站的一刻, 停車位置跟站頭有一些距離, 我便陸續見到以下四種賤人出現.

d 人好冇品
賤人一: 唔排隊,想打尖
賤人二: 唔行入d
賤人三:揹住袋野,唔放落地,頂住前後的人
賤人四:教個仔以後搭車要迫入去, 唔使理人

我諗大家都可能見過以上其中一種, 但我一朝同時間見到四種, 我只出口提了賤人一至三, 幸好巴士車長出手協助賤人二先死死地氣行入d(可能怕車長唔開車吧了).至於賤人四,我冇理由管人點教仔, 但我覺得佢咁做佈下左我地下一代冇公德,自私的伏線...............