劏蟹 30個步驟 ---24/12 table for 8

列席者每人需要煮一味餸或一種食物.

andy .... 咖哩一獲熟 ...哈哈
zoe ... cheeze cake ... 應該好好味, 我對你有信心
elly ... 生炒骨 ...好期待呀....
chris ... 金菇牛肉卷....第一次下廚喎...
徐老闆...煮 蠔餅 (睇完一粒鐘得來的靈感!)

林秘書...煮 蟹飯 (食過幾次陳太私房菜覺得好好味, 今次第一次煮希望成功!)
鳴謝 elly (準吳太) 傳授擋蟹30 招比我. 其實我見過屋企人擋. 本身又係愛蟹之人, 所以基本上隻蟹的結構我都好熟悉....

van ... chicken wings
elly 妹.... salad

p.s. party後 再講感想

推介馬拉菜 4/11

由於外甥女邀請舅父仔食晚飯 (做生日), 我們特地坐車到西環赴約. 但因時間尚早, 下午我先到上環孖沙街品嚐郭大陝推薦的 "馬拉媽媽"食返個tea先. 由於去到已經4:00pm多d, 怕食唔落dinner所以只點了一些較細份量的食品和飲品.
蝦 喇沙 ...(湯底有點辣但有豐富的椰香味道) +
意米水 +
咖吔多士...(甜甜地但好好味)

大閘蟹宴 3/11/2007

今期推介超正大閘蟹由一位大客戶的公司做總代理. sp公司. 多謝他的老闆大力推介和親切的態度. 我們原來買10隻蟹皇. 老闆特別贈送4隻和花雕酒給我們. 共14隻, 真高興.

說起來, 我其實比較懼怕吃大閘蟹. 數年前, 一個晚上吃了購自j公司代理的大閘蟹. 出現皮膚過敏, 整夜不能入睡. 自此每當吃多了海鮮都出現過敏的情況. 全身痕養難耐. 我就不敢再吃大閘蟹. 今年第一次吃大閘蟹在這位客人熱情款待下, 我再次大胆嘗試吃了半隻. 另一半給了我的國內同事品嘗.

很久不見

原來都有成個月無update個blog...皆因一開始返學就好似好忙咁.
好似突然間好忙咁. 真係唔想比太大壓力自己.

20/9 參加好友郭陳聯婚的中式飲宴. 新娘子的打扮好有古典美. 全場的嘉賓都能一一照顧.

22/9 第一次參加好友的西式婚宴. 由頭到尾主人家都在場打點和招待. 可見主人家對賓客的重視有幾深.... 尤其是到尾聲的時候....新郎的熱情反應...令我們留下非常難忘和深刻的印象....^0^

23/9 到荃灣約會好久不見的緻友 (美金小姐). 好友給我的第一個印象是....嘩...乜廋左咁多. 緊係平日工作太辛苦. 記緊要好好照顧自己身體. 同佢傾左好耐. 真係好唔捨得. 難得咁耐先可以見面, 好似有好多好多事情想同佢分享. 下次想邀請佢來我屋企, 可以煲湯和煮歺住家飯比佢食. 29/10我交完公課應該有一個week空閒. 希望約到佢一齊煮下飯仔.

28/9 返夜校. 點解中環堅道咁難去架. 真係激死我, 一係上唔到車一係就塞車. 攪到我成日遲到...
呢位tutor比我地的印象係，佢好想將所有的knowledge所教比我地. 不過唔係用以往的方式跟notes讀出來. (come on... 外國tutor的一連7日地獄式上堂方式竟然係跟notes讀出來...想死. top up degree唔代表全部以前的concept都識啫) 香港tutor反而係想一些問題出來帶領我地重新記起以前讀過的 theory. 我幾欣賞呢種教學方式.

對老友的感受

近排聽到一位老友講起關於開資的問題, 我覺得佢比自己彼大的壓力.
或者我地大家生活的追求有著不同的想法. 我總覺得開心和舒服是最緊要.
我的心態是比上不足比下有餘就已經足夠.
不過作為老友, 我希望佢可以盡量減輕生活上的壓力. 若果成日比自己太大壓力, 太緊張唔係是件好事. 好似氣球咁, 吹得太漲唔知幾時會爆...

沒有林秘書的一週 (10/9 - 16/9)

講起就好災難!!!!
我咁講可能有d 誇張, 但的確屋企家務, 都要一力承擔!
平時, 我最唔鍾意做項目--洗衫,晾衫, 都要頂上!
不過都唔好講到咁一面倒, 我都有約我d老友出下去食飯!
我都知我衰仔好似搵d 老友攝時間, 不過我有表明我要接林秘書放學架, 我諗佢地都會明白!

一周總結

估唔到原來有night school 是要返連續一個星期. 雖然是九龍塘但都要轉一程SHUTTLE BUS.
放學好似走難咁. 成百個學生掙上一部24座...真係難捱.
一至五：　6:45-9:45
六： 　2:00-5:00
日:　　10:00-5:00
簡直非人生活. 好在都已經順利完成.
成個星期無食一歺正經的晚餐. 真可憐
不過下次tutorial就要逢星期五返中環...坐完MTR仲要轉一程巴士. 想準時到都幾難.

海泉灣渡假

近期聽到一位親戚介紹, 深圳海泉灣有幾好玩. 有幾好個不同特色的溫泉日本風呂, SPA….數之不盡. 仲有一種溫泉魚專門幫人食腳部的死皮. 真係好得意. 仲有醫療 聽講是由日本傳入的.
其實呢個地方一直都有旅行社推介. 不過見去深圳玩都要成千蚊就覺得唔多抵啫. 依家有一個三日兩夜團住足兩晚5星級酒店仲可以响澳門回程. 兩個地方又真係幾吸引喎. 真係好想去”麻麻地”睇下…

開學利是

點解依家的學生咁幸福?

請問有無人聽過每年9月的開學日家長會比開學利是學生呢?

尋晚因為林秘書(我)去浸大攞袍, 於是約埋鄭姚一齊出來DINNER. 平日佢地應該無咁BUSY. 好睬一約就約到. SORRY呀!!因為排長龍, 所以我等左成點鐘先攞到. 最後要鄭姚&徐老闆渣車來接我添....
我地去左南山邨的大排檔食.
鄭生竟然話食物質素有 5 個叻....嘩...好在佢在喜歡這裡的小菜.
食食下飯鄭生話: 好似唔記得比開學是利個契女. 我就好好奇問他, 乜開學有利是收既咩?
我就緊係唔執輸叫DEE哥啦, 我都開學喎. 10/9....佢竟然距絶我...真係可憐........

畢業典禮 @9月8日

參加人地的畢業禮 , 我去左好多次. 自己畢業禮就係第一次.
不過原來都有好多限制. 例如: 只可以安排兩位朋友或親人入場觀禮. 仲有, 綵排時間啦, 入場時間啦, 拍照時間, 家人入場觀禮的時間都要指定...仲註明若果 " 遲到將不會被安排入場就坐" 添.....

真係莫名其妙???

講到呢度, 開始有些兒緊張...

食人食出汗

尋晚一家14口又去左真味食dinner. 今次係老爺請. 多謝晒!
近呢兩年食的酒樓菜式都無咩特別深刻印象. 但真係要推介一下真味的鹵水併盆 (起碼有6種以上的材料), 龍蝦, 頼尿蝦 (筷子咁長) 和鮑魚仔都好新鮮. 又平. 又好味. 食完會再想去食. 唯一美中不足是糖水唔多掂.

龍蝦 (十人歺包兩斤)
頼尿蝦 (筷子咁長) $18.8/隻
鮑魚仔 $68半打

Server down

唉! 呢兩日公司個server down 左. 要做backup做到發癲.
放工返到屋企簡直好似散晒咁.
若果有人按摩就好啦!

身體檢查

今日和兩位同事一起到疹所做身體檢查. 發現很多人一起做. 大約每日二十人. 我們大約兩星期前預約.
在這裡提醒一些朋友, 若果家中有家人患病. 你/妳都有可能得到一些遺傳病. 尤其是女性25歲以後, 有很多病都是檢查後才發現的, 平日可能沒有任何病徵的. 若果自身出現問題才醫治可能太遲了. 所以沒有檢查的朋友, 就最好安排一個全身檢查及早知道或預防疾病才可快樂健康地生活.

敢作敢為

今次我想發表一下對某朋友的意見. 可能有人睇左會唔開心.
不過, 我覺得鬧交是不可以解決問題的.

什麼時候講笑話, 什麼時候認真, 應該懂得理解. 千萬不要把 "笑話" 當成真話. 有時可能只無意中講錯一句說話令人家不高興.

繁事換一個角度去諗大家就可以好好地相處. 我想, 要維繫一段感情應該互相體諒對方. 茫茫人海中可以相識是一種緣份. 成為男女朋友甚至夫妻就更加難能可貴.

其實對任何事情太過敏不是一件好事. 繁事向好果方面諗, 我希望他/她也明白我對他/她的感受是出於朋友的見解而不是不滿.

p.s. 多謝 K先生的意見. 我稍為修改一下. TKS.

Party again @18/8

This time is to celebrate SuetSuet's birthday. More than 20 people join this party.

So many people love her. She is so cute. Our party start from 4pm to 11pm. So tired & happy.

It's long time I haven't gone swimming, so I feel very tired after that.

均均生日會 @812

因為傷口不能直接於陽光底下晒, 便約會emily晚上一起到tko swimming. 誰不知她身體有點不適, 決定取消. 放心吧, 我們時常swimming的. 暑假那麼長, 我們再約吧!

同日下午,阿嫂為均均安排一個生日party. 邀請了兩位均均幼稚園的小同學 正正和凱勤一起玩耍. 三位小男孩一起玩耍真的非常開心和激動. 直至5時恒恒表姐和雪雪表妹到來祝賀便一起吃蛋糕. 結果吃了兩個鮮果蛋白脆脆蛋糕. 非常美味.

晚上大家最後決定一起吃晚餐, 一家十口一起到真味鮮廚吃飯. 這晚大家都非常開心. 尤其是小朋友們吃了自己喜歡的海鮮如鮑魚. 特大頼尿蝦等.

Gathering for Anne's birthday

為了這位多年好友慶祝生日, 徐氏伉儷當然要一起出動. 還有鄭氏伉儷頂力支持.
由於近期比較多朋友到我們家聚會, 我們弄的菜式都開始重複出現.
於是, 當天我們決定弄新菜.

Anne : happy birthday 祝你身体健康! 每年生日都過得很快樂.

Big gathering

好開心星期六徐老板攪左一個family day gathering. 所有家庭成員都有出席加埋iris & meimei. 四個小朋友都玩得好開心. 估唔到最受歡迎竟然係suet suet & meimei兩個一見如顧, 仲拖手仔同埋擁抱添…恒恒同均均都好鐘意一齊玩…若果表兄弟姐妹可以成日一齊玩就可以曾進感情.

好睬最後食物都夠食, 因為未攪過14人party. 結果: 成功!!!

p.s. 菜單有: 紅酒燴豬軟骨, 可樂雞翼, 春卷, 沙律, 冬菇瓜粒湯…不能盡錄…

老友們, 係咪好吸引呢??

徐老板的愛人

大家緊係以為係林秘書啦....答案係錯架...

you see...十八年計劃...?????

與小靖萁的約會

萁萁滿月照










星期日好開心約左一班中學朋友仔一齊响apm飲茶. 其中一位好友已經生左一個非常可愛的bb女. 她有一雙水汪汪的黑眼睛. 13個月大. 識叫爸爸. 媽媽同埋... 打打...哈哈. so cute. 講返起都成7個月無見. bb女已經識行. 小朋友真係一排唔見就成個樣都唔同晒......




13個月大的萁萁

釣墨魚之旅

星期六去釣墨魚

食飯時間雖然早左少少,

5-6pm 洪記dinner. 有蝦, 魚, 鮑魚仔....雞....八餸一飯味道唔錯...
6:30-7pm上船開始釣墨魚之旅. .... 20人船睇起覺得比其他船細少, 不過上左船都覺得幾舒服.

出海途中, 聽船家講依排出船都無乜收穫, 真係有少少失望. 船家仲話要7:30後先會有墨魚上釣....下唔通船家同墨魚有個約會....當時諗唔知會唔會準時到達呢?

約7:30 徐老板第一個出動, 竟然過左唔夠5分鐘就有墨魚上釣....woo....好勁呀....不過比墨魚濆到成身都係墨連面都有, 洗唔甩....so sad...
then各位團友就續一釣到墨魚....woo so cool...so happy....
elly釣到3條
chris釣到1條
roland釣到1條
秘書我呢釣到2條雜魚....(雞泡魚) 扣2分....*_*
阿姐釣到2條
total: 釣到16條呀.....yeah!!!

今次係成功架...

落船後我地去左滿記食糖水慶祝....yeah "榴槤忘返" 糖水....vy gd

大家懷著興奮的心情回家 (11:30pm). 仲有朋友仔約9月份再去游船河...正....!!!

p.s. zoe & andy: 希望下次可以同你地一齊去. 真係好開心呀!
P.S. 要多謝ELLY約到15個FRIENDS否則都攪唔成.

八月生日party

好快就到各位小朋友的暑假, 小朋友們現在應該都很開心和期待這個漫長的日子來臨. 各位姪仔, 姪女, 外甥仔, 外甥女: 祝你們有一個開心又充實的暑假.

剛好徐家八月份又真是幾多function喎. 因為有三位家庭成員8月份生日. 所以8月份都有幾多節目陸續來臨. 小雪豆問: 舅父我生日想要 ......... 均均問阿叔: 我生日你送咩比我 ......
徐老板真是好開心兩位小朋友都咁掛住佢. 記得唸下送咩比兩個緻愛....

串燒三兄弟 + ok

若果有黎過我地屋企的朋友仔, 都會見到我地嘅 ok仔,佢就厲害, 生命力強, 我地冇施肥, 只係淋水同換盤, 今次佢仲生左幾個孫, 未改到名, 所以叫"住串燒三兄弟"先, 佢地仲有一個大哥架!

大阿哥到!!!!

當然唔少得"ok仔"la!!!!!

d 根幾勁!!!!!!

東涌東昇樓

終於到我徐老板發表下文章, 如果講起去邊道食海鮮, 我諗好多人只會諗起, 西貢, 鯉魚門, 頂多諗得再冷門d三聖邨, 但我今次要介紹嘅係位於東涌東昇樓, 點解我會識去, 其實唔係我神通廣大, 係偶然有一次我,林秘書和阿哥一家人去disney 玩, 我為左大家荷包及胃口着想, 就向我住映灣園嘅老友探路, 佢就比左個訂座電話我, 我最想講係佢地嘅服務, 有専車接送, 我試過叫佢到機場大樓, 甚至hotel 門口都照到, 有一次更加用long benz (梗係殘個種la)幾型!!!

但千祈唔好以為佢好貴播, 由於唔駛收加工費(西貢收$200以上),平均一個人$150左右.

必食:上湯勝瓜浸魚肚, 自家燒乳豬, 時令海鮮(私人醒---蒜泥聖子皇), 大班兩味

地址:東涌逸東邨旁邊舊碼頭

前往方法: 學我叫車(只限東涌範圍), 或到東涌地鐵站外面的士站側之穿梭巴士.

電話:2988 1494

P.S. 有車之人可以放心揸去, 可泊逸東邨停車場, 買單時可向老板出示,即刻係返你張單上面扣, 豪呢!

釣墨魚

上兩個星期聽到好友ZOO話去左釣墨魚仲有唔錯的收穫, 真係聽到都覺得開心.
講起來, 我地上一次去釣墨魚應該係4-5年前既事啦.
所以我地就懷着興奮的心情攪一個墨魚團. 主要想搵自己的好朋友去.
原本想越快越好: 7/7, 點知可能太急唔夠人去.
好在 珊珊人面廣, 佢竟然約到15-18人. 好勁呀!
今日應該可以最後確定14/7. 預計聽日BOOK船同落訂.

P.S. 徐老板話, 經過呢次佢攪 gathering既經驗, 佢話: 原來佢係無乜朋友架. 個個都話唔想去. 攪到佢都無乜心機叫人. 問完一個又一個都無人去. 有D朋友原本話去, 但又突然唔想去. 有D又暈船浪.
所以話攪大function真係唔容易. 仲要約一大班朋友添.

返外家

星期日一早坐車返去TSW同媽媽飲茶. 下午去青衣城行街, 嘩由TSW去青衣城坐西鐵轉地鐵要$20. 真係貴. 下次都係坐巴士. 約左好友兼死黨M小姐一齊食DINNER.
點知.... 夜晚就同徐老板齊齊肚痛. 星期一仲返唔到工添. 休息左一日總算好返.

講 股仔

呢排好多人講股, 係咪真係咁多人識呢?
個個都話有心水, 究竟邊個先真?
我就唔識咩股好, 但係入下公用股應該比較穩陣.

多謝大家關心

林秘書正在康復中, 雖然未夠一個月不過精神, 食量各樣都好得七七八八.
短期內唔可以唱k, 做小量運動尚算可以因為唔夠氣. 請大家近排唔好約唱k...tks

七.一回歸 Happy Gathering

今日一早(10點)好友 (Zoo & 國寶) 來tko玩, 我同徐老板決定同佢一齊去真味飲早茶. 因為 4 個人唔想搭枱所以waiter叫我地等一陣. 點知有個阿嬸竟然公然走捷徑. 話搭枱入左去竟然叫部長幫佢轉卡位. 實在太無賴. 激氣呀. 好在zoo未來, 我等... 過多兩三張枱就到我地, 唔係我一定會爭取到底.
飲完茶我地一齊去買餸.
呢日同z 一齊煮飯仔. 煲湯大家分工合作最後煮左五餸一湯, so good.

ZOO煮:　雜菜湯gd，炸薯餅 vgd
徐老板：　生炒骨 vgd, 蒜蓉炒西芹gd, 牛仔骨vgd
林秘書：　美極蝦 gd, 仲有特飲: 火龍果波蘿沙冰gd , 協助執頭執尾


P.S. 其間zoo & 國寶仲教我地玩nds & cooking mama. 做手術都真係幾好玩喎.

好友 Gathering @23/6

今日好開心有一班好朋友(Terence, Ifun, Mr Chow)來探我, 好耐都無試過咁熱鬧. 我的傷口開始脫焦. 現在仍然努力介口, 希望可以令條疤痕淺色一點.

辛苦徐老闆為我們做美味生炒骨, 蘋果湯, 奶油津白. delicious!!!
多謝郭生做蒸水蛋 (要成功蒸一碟又香又滑的水蛋是很難的)
多謝未來郭太教徐老闆做生炒骨, 因為我真係好喜歡這個菜.

P.S. 第一次做 "火龍果波蘿沙冰" 成功!

特別的心情

呢幾日, 我都一直唸究竟我應唔應該去做opts. 心情大起大落, 連訓覺扎醒都有呢個念頭.
不過, 要面對始終要面對. 徐老板會陪住我.

P.S. 11/6 至 17/6 大舊飯店要暫時休息, 多謝大家.

好友 wedding

好高興近期聽到好友們結婚的喜訊! 他們都得到對方的悉心關懷和照顧!
祝福兩對新人白頭到老, 永結同心!

lazy snake x 2

有幾日無寫blog因為徐老板返左來, 我地就好多節目. 日日wet.

lazy snake的意思梗係大懶蛇啦....唔係話返工偷懶, 只係唔明點解日日都咁攰. 要飲义燒味的馬拉coffee先可以提起精神工作. 呢排真係 "日日做到無停手" 總有食飯既時候, 有時都唔記得添要人提先食得!

第九日@go home

第九日下午到家. 激氣呀! d 外國運輸工人點解咁大力掟笠左個喼添, 真係邊個話犀牛牌特別耐用架.
因為 jetlag和坐左十幾個鐘飛機, 徐老板要同周小姐傾傾計.
到7點半义完電返屋企食dinner.

第八日

今天是當地第一個工作日, 徐老板去探廠. 原來佢都幾勤力, 通常要7點幾起身. 但佢深夜兩點都未瞓喎(大約等於香港時間7點幾). 今朝就同我傾左一陣電話.

聽日可以見面喇!

P.S. 多謝徐老板的同事兼上司既包容和忍內, 因為要幾日照顧佢同被迫聽鼻寒聲, 哈哈!

第七日

徐老板今日去左cry wall, 因為是安息日所以不可以照相. 雖然好可惜, 徐老板遠距離影了幾張比我睇.

嘩! 第六日啦!

今日徐老板話係當地既休息日所以去左反.

行下古蹟逛下街, 周圍去下.

聽日去耶路撒冷遊覽喎! 可能以色列真係好大架,

一日先去一個地方. 哈哈!

食晚飯既時候, 我問均均有無掛住 "阿拉", 佢話有架 (但表情奇怪). 我再問係咪真架, 均均話: "其實無架" 小朋友唔講大話, 我信佢. 不過後來佢諗諗下 (捉住我個頭細細聲講), "有掛住呀! 你同阿拉講有喎! 知唔知呀!"

夜晚10點幾收到徐老板指示終於可以打比佢. 打去酒店雖然要2蚊一分鐘但比起漫遊平十倍. 簡直將呢幾日發生既事大吐苦水. 講完之後, 徐老板就話星期一可以見面詳談. 咁又係.

向世界出發第四及五日 -- 以色列

第四日: 開會開會再開會.

第五日: 原來徐老板要好早起身食早餐, then check out 所以都係好快咁講左一兩句就要收線.

尋晚凌晨3點幾就收到message, 已經坐內陸機去左耶路撒冷check in左. 不過我太眼瞓連眼都登唔大所以無call 佢. sorry! 成點幾先瞓得著, 原諒我啦! 徐徐.

向世界出發第三日 -- 以色列

剛放工就收到徐老板的message, 他說: "現在剛剛去完死海浸浴. 搽完死海泥. 他還說若果我和他一起他會開心" 原來死海是很浮的仲有好多礦物質和有護皮膚作用添. 我都希望可以同你一齊浮死海呀 !

向世界出發第二日 -- 以色列

今日係徐老板向世界出發既第二日. 希望佢快d返來啦! 好掛住你呀!
或者係我地日日都見面, 所以唔係太習慣.
由於徐老板過去以色列的時間行程很緊湊, 而且又有時差佢返到hotel我都去左搵周先生了.
辛苦你呀. 要坐十幾個鐘機仲要擔心我. 你放心我識自己照顧自己.

講講人常工作:
呢排公司多左好多單要做. 不過可能係吃力不討好. 點解: 因為很多d船公司太好生意喇. 有d比我地感覺係唔憂做. 一時話無位一時話要調價, 終於五一假期後就唔比走貨兼且加價10%, 幅度幾高.

另外, 多謝YMCA (好朋友的別名) 慷慨借新韓片"wedding"比我睇, 等我唔洗一個人咁boring. 我已經睇到第四集講緊張娜拉要結婚喇! 雖然故事講述佢好喜歡男主角, 不過男主角總是令佢傷心.

林秘書小tips: 以色列時間 -5

向世界出發第一日 -- 以色列

星期日送完徐老板上E22A就返屋企睇電視和做家務. 通常我一個人都會聽下音樂. 無咁悶. 近排就响娘家拎左隻TRUE COLOR來聽. D英文歌幾正! I LIKE IT.

徐老板解說---此乃我到達特拉維夫airport 0既第一張相, 都好有聖城0既氣氛, 不過我去到已經係半夜, 加上經過一輪超嚴密安全檢查, 我已經冇乜mood了!

大舊飯店之謎

點解叫大舊飯店,事源於我外甥女成日叫自己做"大舊飯", 又撞正"豆腐仔"同"豆母仔"終於"的"起心肝寫blog,一諗名就想用佢黎命名!想見佢真身嗎?

let's take a look! cheers!

Spider-Man 3

難得康師傅為左睇蜘蛛俠, 搞一個friday night gathering!

就算老婆要係poly 上一個 logistic course 講座, 同埋要等大舊飯訓埋, 都要約係 荷里活GV睇9:50, 抽空去欣賞一下!

結果我地兩公婆去左荷里活"飯廳"撐抬腳, 但在撐梗之際, 收到阿姐call 話只買到第三行,

心情大打折扣, 不過既然已到, 都唔好掃興, 唯有睇下真係有幾前la

一坐低就安慰自己"都唔係好前啫!" 但只係睇d"不日放影"我已經眼攰!

好彩!我同老婆入場時,"超"到山頂位置有一行出奇地吉左,smart嘅老婆便提議上去坐, 我便同佢講　”如果等陣間開場有人渣飛入坐我地好瘀個喎”於是我地一開場講左兩句對白就上左去坐. 感覺截然不同, 正中位置, 無遮擋買都無咁正呀! 於是我就梗係call埋康師傅同阿姐上來啦! 可惜有兩個不促之客跟風上來霸左兩個位, 簡直係我地預計之外攪到老表同ken哥唔可以一齊坐添. 真激氣. 好在套戲都幾好睇, 應該補償到要"聞"銀幕之苦.

講返套戲, 我其實只無睇第二集, 不過我之前有睇TVB播嘅spider-man 卡通(逢星期日上午播架),

所以都大概知講乜, 但今集故事比第一集好,人物又多, 要對付嘅壞人都多左, 有沙人及黑spider-man!唯一可以彈就係有d位太慢, 不過整體上係好睇!

p.s. 數返上來對上果次睇戲應該係 "黑社會" 仲要係用贈劵睇添!

family day @銀線灣

上星期六是 family day, 阿哥阿嫂攪左一個BBQ 地點是西貢銀線灣. 因為是星期六我地要放左工先可以去. 原本大家想等埋我們一齊去, 後來都係要分批去, 因為若果太遲去無爐咁點算好呀! 所以我同老公決定要做後勤主管. 最後先到, 為左想比大家享受冰凍的特飲, 我們仲特地過去7仔買左兩包大冰 (3KG), 因為果日實在太熱都未出發已經成日大汗. 我們的老友一定知我老公是大汗仔來架. 熱少少老唔掂呀! 途中聽到壞消息, 吓所有燒烤爐都比人霸晒. 好睬阿哥醒目, 即刻問士多老板娘有無爐可以租. 最後我到目的地已經3點幾. 不幸中之大幸是我地可以租爐同時揀選到一個大風又唔晒既地方. 試問又有邊個可以抵擋得住一個無敵大海景丫. 均均, 雪雪& 恒恒終於可以一齊玩巨形大艇...佢地就好啦! 可以去玩水同玩沙! 我地D大人要默默耕耘準備大餐. 大約到6點幾起程就返屋企,
P.S. 真是要多謝阿哥和阿嫂呢對無敵配搭. 佢地兩個是一級攪手, 準備左十幾種不同的美食比我地享用.

玉器商會之夜

昨晚去左 "++商會"辦的晚飯, 是哥哥和老爺的商會. 本來好悶因為要成晚聽住一些走左音的懷舊哥. 不過見到小雪和均均佢地天真活潑的樣子真是可以消除所有悶氣. 對住佢地兩個真是可以搵返童真.