本周兩件趣事

102B模範司機
星期四我同徐老板落樓 (遠望) 見到有小巴就好想搭 (因為坐小巴正常10分鐘一定到KT, 其實我地想一齊嘆早餐), 點知.....跑到埋去個站無位喎. 我心想等一陣應該有車. 好快有啦(自己講)! 當時係8.15. 等左幾分鐘徐老板想走喎**.
P.S. 站頭阿伯其實係同紙牌人無分別. 因為佢坐响度無作用. 老板問佢幾時先有車. 佢話來緊啦! 係人都知啦! 人就係咁衰架啦, 心理上以為等左咁耐好快就有車, 因為好幾次都係你一離開條萬里人龍就見到架車駕埋來. 我地等下等, 足足等左成10分鐘終於見到架車(慢慢)到.
一上車我地兩個都FEEL到架車好慢, 以為佢見到前面紅燈所以慢流….點知轉左係綠燈. Come on. 行20-30公里. 一路行到出大路最高速都唔過50公里 (記住前面無乜車個喎). 直至行上隧道的一段小斜路先過60幾70公里 (只係得呢段正常速度). 有無問題呀. 阿叔. 成車人都趕時間返工. 無野呀! 之後直至出到觀塘都重行4-50公里… 最後我地8.50到觀塘. 我地得出一個結論, 司機叔叔佢好遵守交通規則, 不過若果架架車都好似佢咁 “慢” 成條路應該日日都塞車, 仲要好嚴重果隻. 我地對102b真係又愛又恨呀! 唔等佢又見到車等人, 想搭佢又要等好耐先有車.

** 佢話坐MTR 啦都係15MIN左右, 其實係講緊你一落到坑口站個月台就上車, 過到調景嶺又即刻上到第二部車先有機會咁快到. 平時應該要20-25鐘先到KT.


講是非阿嬸
每個星期六我都約同事A小姐一齊去大食早餐. 但係每次都坐响一個是非阿嬸附近. 次次佢都說人不是. 話呢個蠢果個唔用腦. 個個都做錯野. 好似講到佢公司凈係得佢一個最做得野. 都無所謂. 得閒發洩下係好正常既. 不過佢可唔可以唔好講得咁大聲呢? 由8.30嘈到成9點先走. 好睬今日佢8.50走左, 終於有10分鐘可以靜靜地比我地嘆早餐.