是次迫巴士的經歷, 令我回想起早幾年前都有類似情況, 當年想不到, 但今日見到有人將這些自私冇公德的行為"傳授"到下一代,我就明白得多了.
話說當年因要外勤工作關係, 經常要出入本港之高尚學府"香港大學", 當時所乘坐的路線為新巴23号,由蒲飛路去北角(我舊公司附近), 我當日有公事需要提早返公司, 大約3:00左右係HKU 正門對面巴士站等車, 可能撞正放學時間, 我在搭電梯途中見到好多"大學生"放學(趕住去威果隻) 一齊落去搭巴士.
在車站奇怪的事發生左, 我以為會好多人會搭23(此車途經3大蒲點, 金鐘>灣仔>銅鑼灣), 點知站頭無人排隊(其實係一個站有幾條路線,咁當然包括23), 只見好多同我一齊落樓的"大學生", 係站的周圍徘徊, 有d 用手機同朋友吹水, 有d 打NDS, 有d就玩下手機......... 總之無人係有意識表現到比我知佢地排梗隊.
10幾分鐘後, 巴士埋站(位置比今日部11x正確好多), 我梗係預備上車, 就係依個時侯, 我感到身後來自四方8 面之腳步聲傳來, 哦!原來全部係道hea梗"大學生"係搭23!有個仲想打我尖, 我出左聲話佢 "你讀大學, 冇人教你要排隊架!" 佢好似聽唔到, 原來佢仲帶住headphone, 死未.
上到車, 仲有下文, 佢地要去3大蒲點, 又快落車, 所以企左係下層仲要近門口, 我手拿工具都想坐下層,但最終比佢地阻住而放棄.依家諗起都仲有d 嬲!
6 則留言:
你錯喇， 無人話讀大學既人就有公民教育， 呢d 只係我地幻想出來！
我100%認同, 但最慘我話佢果句,條友都聽唔到呢!!
"上到車, 仲有下文, 佢地要去3大蒲點, 又快落車, 所以企左係下層仲要近門口, 我手拿工具都想坐下層,但最終比佢地阻住而放棄.依家諗起都仲有d 嬲!"
這種情況, 在屯門某專上學院都有出現. 這裡的學生乘K51到兆康站時(由上車到下車, 只係兩個站. 步行則約需十分鐘), 又係企左係下層仲要近門口. 搞到司機要出聲話佢地. 有名學生仲仆街到話"我就要下車, 所以我唔上去"....
遇到這情況, 我唔會理這些爛學生, 我點迫都要穿過佢地再行上上層. 有d 爛學生仲要背住個龜殼塞住條路. 但我都唔會理佢地. 撞到佢地, 整親佢地我都唔理. 因為是他們自作業.
terence k.
在我會出沒既大專唔多見咁既情況, 超細那間既人多數一出就MTR, 紅磚那間就多人搭巴士, 但會混埋好多打工仔返工放工, 但都會排隊上車, 係有d 站有十x 條線, 排左都唔知排緊乜車, 車到左又唔知前面d 人係咪會上, 因有d 人手腳慢, 你以為佢唔上, 走上前, 佢可能會話你打尖 ... 但d 人多數習慣了, 問題不大
返而我想知現在d 人搭地鐵火車多唔多排隊上車, 同等人落左車先上 ... 九龍塘就迫住要等(起碼要等幾個人落左先, 因為入面都滿左 ...) 但其他地方就有d 懷疑 ... 似乎都未係會等人落車先 ...
但我相信香港普遍排隊既公民教育已算係唔差, 當然一定有d 情況例外
就算撘地鐵, d 人都不願意行入車箱中間!
此外, 你提及的"未係會等人落車先"問題, 我也有同感. 對付這情況, 我會用以牙還牙的方法對付.
方法就是 - 先將雙手向前伸出, 兩隻手拳合十, 形成一個尖三角形, 看準備上車的乘合似唔似盲牛而調整力度, 以防被人撞倒. 當然, 如果上車的乘客是斯文的話, 我便無需咁做了
terence k.
果然大家都有如此經歷, 香港地真係太多依d賤人!
回應樹精," 但我相信香港普遍排隊既公民教育已算係唔差, 當然一定有d 情況例外"
係!我講比你知以我觀察, 其實有d 大部份係新移民及自由行先冇乜公民教育, 你係九龍塘應該最易見到, 留意下la!我不是要標籤佢地, 但佢地先要自重.
例外都有, 我曾經係MTR見到被香港人老點的自由行阿嬸, 佢比人點到成個幾鍾都未出到閘,去佢想去0既地方,都幾慘架!!
發佈留言